"Ih nuntakna sungah thungen ding akisam mahmah hi; huih diik lo-in ih om theih loh mah bangin, thungen lo-in Christian ki hi theilo hi."
"Pasian in khaici hoih tuh aa, eite in ih lungsim leh ih kam pan aa hong paikhia kammal leh lungsim in bang khaici ahi hiam cih ei leh ei ih ki dot ding kisam hi."
"Pasian hongpiak hehpihna pen manpiak kullo a tawntung aa ding itna tawh hongpiak thupha ahi hi."
"Suangpi ahi Jesu tawh ih ki pawl kei leh Christian bangin ki nungta theilo hi. Amah in thakhauhna leh a kip nuntakna hongpia in, tua bek thamlo-in lungdamna leh lungmuanna zong hongpia hi."
"Hehpihna tawh a kidim Pasian mi khat hi-ing ci-in ih ki ngaihsut matengin Pasian itna tel theilo ding hi hang."
"Pasian in ih hamsat nate ah hong hehpih in hong huh nuam aa, Ama kiangah pai-in a hehpihna thupha ih ngetding hong ngak hi."
"Jesu kiangah pai-in, ih hun neihte ama aa dingpia ni, thungen in a mah tawh ki ho ni, tua hi leh ama itna ngahin eite in lungmuangna ngah ding hi hang."
"Tangpi nuntakna, sum zuak sumbawlna leh ki ukna lam hamsat buainate hangin lung patauhna omlo aa ki telsiamna leh kipawl theihna, kisansiamnate a om theihna dingin thungen ni."
"Pasian khat bekin ih ki bat lohna ih ki lamdan nate a lemtuah thei Pa ahi hi. Pasian itna om kei leh innkuan sungah ki thutuah theihna kilemnate a beimang ding ahi hi."
"Na khempeuh Pasian hongpiak thupha hi ci aa ih sansiam leh bang zah takin ih lung nuam ding ahi hiam. Na khempeuh Ama hong piak hi aa, Pasian pen ih thahatna ahi hi."
Sign up to our newsletter and get latest news and updates straight to your inbox!
