"Vanzat te in man nei-in kizuak thei hi. Pasian bawlsa mihing te ahih leh manpha in aki zuak thei van te sang azah tampi in manpha zaw hi."
“Eite in Christian itna sungah kip tawntungin, Pasian itna zong eite sungah hong om tawntung theih nading thupha ngen ciat ni.”
"Pasian in zawhthawh thu tawh hilo in, itna tawh honkhia aa; Amah leh Amah kiliansak se lo-in, Amah hong ki piakhia hi."
"Ih khe, ih pumpi tawh Jesu nung ih zuizongin ih lungtang tawh ih zuih kei leh lam ih khial ding hi."
"Ih vekpi in Jesu tungah itna nei in a nung zui nuam ihi phial zongin lampi man tawn aa lam ih khialh loh nading kisam hi."
"Christiante in amau deihna bek a zui hi lo-in, ki-itna leh Jesu aw a zui zaw uh hi."
"Nisim in, Laisiangtho khen neu khat maw nih sim le hang Pasian in eite tawh a hong omkhop lam ih thei ding aa, ih hamsatna te bei-in, itna khang semsem ding aa ih nuntakna hong lamsang ding hi."
"Misiangthote in hunsiat leh hunhoih hun a tawntungin Pasian ih phat theihna dingin lam hong lak hi, bang hanghiam cih leh ama itna kip tawntungin lawm muanhuai mahmah ahi hi."
“Mipite lauhuaina sungah a tun lohna dingun leh sum le paai tawh kisai thuneiten hong uk kumpite tawh kalsuan khawmin sum le paai zangsiamin na hoih a sephtheihna dingun thungen ciatni.”
Midangte pahtawina ih sanna dingin ei hoih masa lo pi-in ih vengte hoih ding ngak keini. Ei leh ei-in hoih masa phot ni.
Sign up to our newsletter and get latest news and updates straight to your inbox!
