"Jesu nungta tawntung! Amah si, Amah kivui, Amah thokik aa a nungzuite kiangah ki lang hi. Hih in Christian lungsim sungaa om thuthak ahi hi."
Lungsim natna pan damsakna
Pope Francis in Khasiangtho Pasian Pawini in St. Peter Basilica ah hi bangin gen hi.
Eite pen mite a langpang ding ahih kei leh tua sangin a suk zaw khatbekin a nungta ding hilo-in, midangte aa ding leh midangte tawh a nungta khawm dingin hong bawl ih hi hi.
Ki pumkhatna leh ki huh diamdiamna a khan semsemna dingin na sem khawm ni. Thukiman diamdiamna in ki pawlkhopnate kip sakin zong kilem sak semsem hi.
Jesu Topa tungah ih lametna khempeuh om hi, Amah in eite sung leh midangte sungah nungta in om hi.
Thungen ih cih ciangin ki pawlkhop theihna ding aa hanciamna ahi hi. Bang hanghiam cih leh ih galpa dawimangpa in hong khenkham den aa, Jesu in Khasiangtho tawh ih ki pawltheihna dingin ngen hi.
"Tonu Maria in Pasian tungah muanna ih neih nading lam honglak hi. Ih nuntakna sungah bangmah khiatna neilo ih bat hun ciangin leh Pasian a ki bu tawh a ki bat hun ciangin zong lam hong lak hi."
“Topa aw, a cidam nuntakna hongpia in, tua hi leh Leitung a nin sak leh a nawngkaisakte hilo-in, na bawlsate a kemcing, hoihna leh phatna a bawlte ka hi ding uh hi.”
Thungetna ih cih in hamsatnate tuak lohna dingin ki dalna hi lo aa, itna leh lametnate neih tawntung theihna ding aa ki gin kholhna ahi hi.
"Upna tawh nuntakna ih cih in muhdahna leh phu ki laakna om saklo aa Pasian hong itna mitsuan in midangte khempeuh tawh u leh nau bangin om theihna ahi hi."
Sign up to our newsletter and get latest news and updates straight to your inbox!
