Jesu' nasep in hehpihna, mawh mawisakna leh itna ahi hi. Jesu' piak hehpihna pen Singlamteh tungpan aa hong luangkhia hi-in, Pa Pasian in a piak nasep pen eite in zong ih sepding hong deih hi."
"Pasian na sepna cih pen Pasian hong itna thu teci panna hi aa, huaihamna lungsimte paikhia in, Jesu nasep bangin kiniamkhiatna tawh midangte khe silsakna ahi hi."
“Pasian hong itna a omlo hi leh, innkuan sungah ki thutuah theihna, kilem theihnate a beimang ding ahi hi."
“Sanggamte aw, Pasian in hong ompih tawntung ahih man in, laulo takin kalsuan ni. Ih Biak Pasian hongpai dingpen a ki ging khol sa-in om ciat ni.”
“A nuntakna sungah Pasian thupi sak aa, a ki niamkhiat mite tungah Pasian in nalamdang tampi bawl hi.”
“Pasian tungah zahtakna a nei khat in, midangte tungah zong zahtakna nei uh hi.
"Ih tuahkhak gentheihna leh hamsatnate in Pasian tawh hong kinaisak ciangin, ih nuntakna leh ih lametnate thaksuah aa, ei leh ei, ih sanggamte leh Pasian tawh hong kilemkik sak hi."
"Missa Biakpiakna bawl khawnni, tua hi leh Pasian hong it a tanu leh tapa, unau sanggam khat ih hihlam ih ki theitel ding aa tua in Pasian deihna ahi hi."
"Jesu tawh aki mu dingin lungsiit kei ni. Ama damsakna leh kihotheih kikna kammalte tawh phaltakin ih nuntak ziading lampi kilaksak ciat ni."
"Ka thahatna leh ka lung muanna ahi ka Topa Jesu aw, ka lametna a bei hun leh ka lawhsap hun ciangin hong ompih in. Ko tawh nong omkhop ciangin, hamsatna pen nuntakna thak ahi dingin lametna nongpia hi."
Sign up to our newsletter and get latest news and updates straight to your inbox!
