“Topa Jesu nungzui ih suahna dingin eite in ama sulzui aa, ih nuntakna sungah Pasian leh Pasian’ thu-um mite a dingin a nungtate ih hih ding kisam hi.”
"Ih nuntaknate limtakin ngaihsun kawm aa, Pasian bawlsa na khempeuhte tawh innkuan khat bangin nungta khawm ding hi hang."
"Singlamteh tung aa a kikhai Jesu' tungah muanna taktawh engige le hangin huhna tampi ki ngah aa, hih in thungetna hoih penpen ahi hi."
"Thungetna ih cih in nuntakna a keembit upna ahi hi. Thungetna in Pasian lam-ah upna a nei dingin ih lungsim hong huh hi."
"Pasian in eite a hongpiak hehpihna pen manpiak kul-lo-in, a tawntung aa ding itna tawh hongpiak thupha ahi hi."
"Kilemna ih cih pen lungsim ngaihsutna sungpan aa hongpiang ahi hi. Thuman na tawh ki pan aa, unau khat bangin khangkhia in, man piak kullo-in ki zelkhia hi. Thuman gamtatna a nei dingin lam honglak hi."
"Ih nuntakna pen pak leh gah a nei dingin a ki vawh khaici a hong nosuah tawh kibang hi. Leitung aa om na khempeuh tawh a no suak ding ahi hi."
"Pasian in ama nungzui ding aa hongsapna ih san na bek tawh ki cing khin lo-in; pianthakna lungsim hoih tawh ih nuntak ding kisam hi."
"A manpha mahmah mihing hihna susia aa sih nading thukhenna pen leitung bup aa om gam khempeuh in nei nawn kei ta hen ci-in thu ih ngen hi."
"Sihna pan thokik aa Pasian tawh nuam sa khawm ding cihpen eite ii lunggulh hi aa, eite mai ah sihna thuakin sihna pan thokik aa, a pai masa Jesu ahi hi."
Sign up to our newsletter and get latest news and updates straight to your inbox!
