"Pasian in ih ki tangsapna thei in ei aa dingin a hoih hongpia ding hi cih lam-etna lianpi tawh ih lungkhamna leh ih kitangsapnate a khutsungah ap ni.
"Na it, na ngaih khat pen nusia ngei kei in. Na lungnopna zong mawk beisak kei in. Banghang hiam cih leh nuntakna in mitphial bang hi lel hi."
"Nuntakna ii a ngimna bulpi ahi kilemna ih neih ding leh Pasian tawh ki pawl theih dingpen kua mahpeuhin manggilh kei ni."
"Jesu nunzui hihna leh mawhna khelhna pan siangtho in hoihna lamah khantohna ih cih in a masa pen leh a thupi pen-ah Pasian hong itna leh vangliantna tawh ih nuntakna hong kikhel sak nading phalna ahi hi."
"Lungnopna leh kilemna pen khat veivei mi minthangte' sepkhiat na tawh hongpiang hilo aa, nisim in a hanciam mi nautangte tungpan kingah hi."
"Ih mailam nuntak khuasak zia a nopna dingin tuni aa kipan sem in , mimal khat ciatin hanciam in mapang khawm ciat ni."
"Kiniamkhiatna a om kei leh Pasian kimu theilo aa, gupkhiatna ki ngah theilo bek thamlo in, veng leh paam, u leh nau tawh zong ki pawlkhawm theilo hi."
"A hehpihna tawh unau khat bangin hong bawl Pasian in, ki thutuakna leh ki lemna a bawl dingin hongsam hi."
"Eite pen leitungah taangthu hoih a piangsak, itna leh ngaihnate a lakkhia, mi cimawhte a huh, a etteh huai gamtatna a nei, kiim leh paam tawh a kilem, Pasian gam leh lei aading a nungta a hi dingin Pasian' sapna ih ngah hi."
"Lungdamna thu tangkona ih cih in dawi nasep leh ngonghtatnate paihkhiatna, ki hazatna, ki phatsakna leh muhdahnate beisak aa leitung thaklam nading ahi hi."
Sign up to our newsletter and get latest news and updates straight to your inbox!
