“Topa aw, a cidam nuntakna hongpia in, tua hi leh Leitung a nin sak leh a nawngkaisakte hilo-in, na bawlsate a kemcing, hoihna leh phatna a bawlte ka hi ding uh hi.”
"Lungkhamna a hih kei leh launa lungsimte in hong valhtum in, ih mailam nuntak nading lam etna hong beisak ciangin Pasian kammal bulphuhin thungen ciat ni."
"Na lungsim sungah ngaihsutna hoih na neih theihna dingin, na lungtang thu na man ding a kul ahi hi."
"Itna a nei khatin midangte tungah lunghimawh, phawk tawntung in, a om lo khatpen koiah om ci-in zong den aa, lam etna tawh hong ciah kik ding ngak tawntung hi.
"Lamkhialin Pasian tawh a ki gamla mun ah ih om hun ciangin Pasian a lung kham aa ih ciah kik ding hong ngak gige hi cih phawk tawntung in."
"Pasian Kammal in a lungduai ding leh a kiniamkhiat dingin hongsam tawntung hi.
"Hehpihna ih cih in ih hihna bangin hongsang aa, tha hongpia, hong damsak, hong lamsang khat ahi hi. Mawh maisakna in a hong hing kiksak leh theih siamna hongpia khat ahi hi."
"Upna leh gamtatna ih neih theihna dingin muanna lianpi kisam hi. Jesu tawh kizopna leh Leitung khempeuhah Lungdamna thu tangko nading in a kisam in upna leh muanna ahi hi."
"Pasian in naupangnote suakta takin a om ding deih hi. Suahtakna ih cih pen ki itna a omna mun bekah om hi. Nuntak ziading hanciamna ah, itna thu theihtel ding zong kisam hi."
"Itna tawh piakkhiatna pen a tawm nokhat ahi zongin lungnopna leh nuntakna bulpi suaksak aa sau veipi ki khom hi."
Sign up to our newsletter and get latest news and updates straight to your inbox!
