"Pasian khat bek om cih thu leh na khempeuh pen itna tawh hongpiak a hihna thu mihing khat aa dingin phawk tawntung ding kisam hi."
"Upna in ih lungzin na a beisak khuavak hi lo-in, ih khualzinna ah ahong lungmuangsak leh zan in ih kalsuan nading lampi honglak meivak ahi hi."
"Kilemna a om theihna dingin thungen ni. Kilemna kisam hi hang. Leitung mun tuamtuam ah galkidona om hi. Ukraine, Palestine, Israel leh Myanmar gamte pen thungetna sungah phawk ciat ni."
"A Siangtho pha mahmah Tonu Maria tungah itna leh muanna taktawh thungen lecin Amah in na nuntakna sungah lungmuanna leh daupaina hongpia ding hi."
"Dawite lunggulh bulpi pen gupkhiatna nasep nawngkai sak ding, lunsim kawi a neite leh a thanghuai tak aa a gamta mite tungtawn in vantung gam lampi khaktan ding bek ahi hi."
"Sanggamte aw, kiniamkhiatna ih cih in ih nuntakna sungah thupi mahmah hi; Ze-etna leh lauhuaina khempeuh pan a hongdal khat ahi hi."
"A thuman lungnopna pen khat leh khat lungsim hoih tawh kizopna tungtawn aa hongpiang hi aa, eite khat leh khat a etlawm ki pawl khopna, ki panpihna tawh tua lungnopna ki ngah thei hi."
"Thu a ngen mikhat pen amah bek hilo hi. Jesu in a thungetna sungah eite hongsam aa, tua in ama tung leh ama tungtawnin Pasian kiangah thu ih nget theih nading ahi hi."
"Kiphatsakna pen mi khat aa dingin a lauhuai mahmah guza hi: khatvei kiphatsakna in hoihna leh phatna tawh a kidim ih nuntakna susiamang thei hi."
"Naupangte piankhiatna pen mihingte aa dingin lametna bulpi khat hi aa, naupangte leh khangnote lo-in gamkhat ii mailam kalsuan ziading piangtheilo hi."
Sign up to our newsletter and get latest news and updates straight to your inbox!
