"Pasian pen kilemna hi: ih nuntakna sung, innkuan sung, khuasung, gamsung leh leitung bupah Pasian in hong huh aa nisim in kilemna a piangsakte ih hih theihna dingin thungen ciat ni."
"Kilamdannate om mahtase leng kalsuan khawm ding hi hang; ki pumkhat theihna ding lampi dang omlo hi. Hih in Jesu deihna ahi hi"
"Na pilna leh siamnate leisungah mawk phum kei-in, Pasain hong piak ahih lam thei inla, Ngimna lianpi na neih ding laukei in.”
"Pasian kiangpan ih ngah itna in ih nuntakna a hong ki khelsak leh midangte tungah itna hong neisak bulpi ahi hi."
"Khasiangtho ih sungah a hong om ciangin thanemna pan thahatna, uplahna pan lametna, lungtomna pan lungduaina pen Pasian in a itna tawh hongpia ding hi."
“Media sungah mawhna neite thu leh a thaanghuai thute aki gelh ngeina hi, banghang hiam cih leh gam mangtulak aa a khanglai singkung te sangin a puk khat gamlum mahmah zaw hi.”
“Eite kipumkhat in u le nau bangaa thu ih ngetkhop leh Vantung dongah kiza in, leitungah kilemna a hong piang ding hi.”
“Eima deihna bek cilo aa Pasian aading leh midangte phattuam na dingin nasepna tawh nungzui hoih ih hihna dingin Jesu in hong hilh hi.”
"Lungdamna thu tangkona leh ih sanggamte phattuam nading na sem aa kipiakkhiatna sungah minphatna leh ngah kik ding lam en het lo-in a sem dingin eite hong kisam ahihi."
"Ih tehci panna hangin midangte lungsim kihong khia aa, ih thungetna hangin Pasian kiangah midangte a paitheih Nading kong honna ahi hi."
Sign up to our newsletter and get latest news and updates straight to your inbox!
