"Eite in Pasian hehpihna thupha ih kisam hi cih phawkin thungen ciat ni: tua in eite aa dingin Pasian hong hotkhiatna lampi khat ahi hi."
"Thawhkik pawi lungdamna thupen ih sungbek aa koih cip ding hilo hi. Christu lungdamna pen hawm khiatna tungtawn in hong ki phungvuh aa, Pasian kammal sangin ih nuntak pih leh ih lungsim hong ki hongin launa khempeuh hong bei ding hi."
"Nu leh Pa zahtak ding cih pen ki ciamna thupi khat hi. Ih pianna nu leh pa tung bek hilo in, a kumtam khempeuhte tung zong itna leh zahtakna piak ding ahi hi.
"Sihna pan a tho kik Jesu pumpi tung aa liammate in eite aa dingin a thuakna leh a gualzawhna lim hi aa, itna tawh a gualzawhna in kilemna nei aa kilemna sungah ih om theih nading ahi hi."
"Eite in Christu kilemna tawh ih gualzo thei hi. Kilemna pen a piangthei ding thu hi, kilemna a pian theihna ding vaipuak ih nei hi, kilemna pen mi khempeuh ii a thupi penpen vaipuak khat ahi hi.'
"Leitung in siatna leh sihna tawh kidim mah leh eite hongsang Christu kilemna in mimal khatciat lungsim sungah tangthu in hongpiang khia hi."
"Pasian in ki niamkhiat na taktawh hong ompihna ki telpak zolo in, lunglut tak aa ngaih sutna leh pilvang tak aa ih lungsim sungah ih sap ding kisam hi."
"Jesu hong thokik zo hi, tuni in zong hong kikhel sak leh hong suak tasak, eite tawh hong kalsuan khawm ahi hi.
"Pasian in ih mawhna khempeuh hong maisak tawntung hi. Eiten' ih mawhna hong maisak na dingin a ngen zolo ih hi zaw hi."
"Sihna pan a tho kik, sihna pan nuntakna a piangsak Jesu kiangah muhdahna pen itna, thangpaihna pen mawh maisakna, gal kido napen kilenna tawh hong laihsak dingin thu ih ngen hi."
Sign up to our newsletter and get latest news and updates straight to your inbox!
