"Christian upna pen nungzuipite bawl upna kiciamna thungen ziau aa om hilo aa, upna kiciamna thu ngaihsutna leh theihtelna tak tawh sepkhiatna ahi hi."
"Pasian Kammal in ei leh ei kimuan luatna tawh hong kipelh sak aa, hong siangtho sak thei in, khua hong phawksak leh hong bawlpha kik thei hi.
"Sihna pan a thokik Christu lungdamna tawh ih Pa Pasian hehpihna in nang leh na innkuan pihte a dingin ka ngen hi. Topan' thupha hongpia ta hen."
"Itna man ih cih in itna ngahna leh itna piakna ahi hi. Ei tungah itna hong ki piak ding sangin eite in itna ih piak ding hamsa zaw hi."
"Innkuan ih cih pen inn aa a om Biakinn hi-in, a kiteeng nupate ki-itna tawh hong piangkhia naupangte nuntakna sungah Jesu hong khangkhia ahi hi."
"A gilkial mite in huhna a hong ngen hilo in, thuman aa gamtatna ding hong ngen hi zaw hi."
"Eite pen mawh nei mite himah tase leng Pasian in a vangliatna, a hehpihna leh a lungduaina tawh hong bawlpha kik hi."
"Citpiakna, lungduaina leh thukhualna lungsimte pen Pasian piak hamphatna hoih mahmah hi. Nangin tua hamphatna na neih leh midangte tungah na hawmkhia nuam ding hi."
"Pasian hongpiak lungnopna in mawh maisakna pan hong piangkhia ahi hi. Tua in kilemna hongpia in, maizumna ding khempeuh zong maitaina tawh hongki dim sak hi."
"Kilemna phungpi ahi Jesu Singlamteh mai-ah ki-ap in, leitungah kilemna a om theihna ding leh ih lungsim sungah lungmuanna a om theihna dingin thungen ciat ding hi hang."
Sign up to our newsletter and get latest news and updates straight to your inbox!
