"Siangtho Pumpi in eite aa ding a kisam bulpi hi: Christ in ih nuntakna sungah hong om nuam in a vangliatna tawh hong kidim sak hi."
"Lungnemna leh lungduaina ih cih pen mihing nuntakna sungah a thu pilo tawh aki bat hangin, tuate bekin kilemna hongpia zo hi."
“Upna pen ih muk, ih lungsim, ih kammal leh itna tawh a ki pulaak ahi hi.”
"A beisa hun aa siatna tampite kawmkalah Pasian a zong leh hankhuk sungah khumcip den nopna lungsim a nei Christian biakna pen thawhkikni a omlo Christian biakna ahi hi."
"Pasian Kammal in huaihamna pan eite hong suakta sak in, hong siangtho sak thei leh lam man hong lakin hong puahpha thei hi. Tua ahih manin Pasian hongpiak nuntakna lampi a kihon theih nading Pasian Kammal ngai ciat ni."
"Nuntakna leh upna sungah hamsatna ih thuak nate pan lungkham in laulo ding hihang. Lungkham launate in Pasian ih kisap lam hong phawksakin, Pasian itna tawh hong kizom kik sak thei hi."
"Eite in midang khempeuhte tungah u leh nau bangin mu aa, ki puahphatna, pianthakna leh galbawl loin lungsim hoihna ih neih ding ki sam hi."
"Ei leh ei hanciam na tawh kilemna piang zolo in kha siangtho huhna ih ki saplam Jesu in hong thei hi. Kha Siangtho in lungsim buaina khempeuh lung muanna tawh hong ki dim sak hi."
"Pasian tungah thupha tampi ih nget hangin ama hong piaknop leh a thupi mahmah itna neih theihna ding Khasiangtho ih ngen manggilh kha thei zel hi. A tatak in ci leng itna ngaihna lo tawh leitungah bangmah kisem zolo hi."
"Aki tangsam mi khat muakin na inn ah na omsak leh huhna a pia bek na hikei aa upna alak na hihi. Bang hanghiam cih leh ama sungah Jesu om hi."
Sign up to our newsletter and get latest news and updates straight to your inbox!
