"Pasian deihna ih zuih theihna dingin ih kiim leh pamah gamtatna leh ih lungsim sung aa om mawhnate siangsak aa Pasian kha siangtho ih ki puahphat sakding kisam hi."
"Pawlpi kalsuan zia, ei mimal khat ii Christian hih natawh nuntak kalsuan ziate a baih hi tawntung lohi. Hamsatna leh ze-et bawlsiatna tawh kido den hi. "
"Laisiangtho ih simna tungtawnin Pasian kammal za in, a mel ih mu aa, a Kha Siangtho ih ngah hi."
"Khasiangtho hong lut theihna dingin ih lungsimte hongin, amah ki makaih sak ding hi hang, tua hi leh Pasian itna sungah a nungta a tate ih hi ding hi."
"Lungduaina ih cih pen kiim leh pam buaina khempeuh lakpan thuman tawh nuntak tawntungna ahi hi."
"Jesu sungah lungdamna om hi. Jesu lotawh lungmuanna omlo hi. Amah a thokik khat, anungta tawntung, Sacramentu leh Pasian Kammal tawh eite lakah hong om in na sem hi."
"Jesu Christu pen ih lungdamna hi aa, a hong itna pen mong neilo hi. Tua ahih man in dahna lungsim a nei Christian mi khat pen Jesu tawh a ki gamlatna hang ahi hi."
"Pasian in ih mailam nuntakna dingin thakhauhna hongpia hi. Mailam nuntakna sungah hong huh dingin hong ompih tawntung hi. Amah in hong it mahmah aa, eite tawh hong om khawm hi. Lau kei in!"
"Pasian in thuhoih a lahkhiat theihna dingin lungsim ki niamkhiat, midik leh a citak, itna leh mawh maisakna a neite' thungetna tungtawn in hong pia hi."
"Thu na nget cingin Jesu tawh na kimu hi. Siangtho Pumpi na san ciangin Sacramentu sung aa om Jesu tawh na kimu ding hi. Tuisawpna sacramentu sang dingin naupangte na paipih ciangin Jesu tawh na kituak ding aa, Jesu na mu ding hi."
Sign up to our newsletter and get latest news and updates straight to your inbox!
