"Mizawng mi gentheite pen Vantung Gam ih lut theihna dingin vaipuak a la ih sum ngahna ahi hi. Amauten itna ih neih theihna dingin honghuh zo hi."
"A nuntakna uh piakhia aa leitung mun tuamtuamah ki-itna tangthu a hawmkhia Pasian nasemte khempeuh aa dingin thu ngetsak ciat ni."
"Tulai leitung nuntakna ah mi khenkhat te-in amau aa ding bekin neih leh laam sum leh paaite zek sawm uh hi. Hih in Pasian deihna tawh a ki tuaklo hauhna ahi hi."
"Gamdai tak aa thungetna ih cih in muhdahna lunsim beisak aa, kilemna a piangsak bulpi ahi hi."
"Eite in lungkham sinkhamna leh a hamsa buainate laulo ding hi hang, a hi zongin Pasian in hong ompih tawntung cih phawkin hamsatna leh buainate pan suahtak sawm ding kisam hi."
"Jesu in Singlamteh tungah sihna a thuakna hangin Pasian itna ei mimal kim tungah hong tung hi. Eite in amah ki en sak tawntung ni."
"Pasian pen kilemna phungpi hi aa, mihingte aa dingin muhdahna, gal kidona leh siatnate piangsak ngeilo hi. Amah a um eite pen kilemna a bawl dingin hong sawl hi."
"Innkuan sungah ki-itna kip om in, ki zahtakna leh ki pat-tah na hoih tawh nuntak thei nading thungen ni."
Jesu bangin itna ih neih theih nading: "Hong it tawntung Jesu aw, nang mah bangin itna a nei dingin hong hilh in. Ka mawhnate hong maisak Jesu aw, nang mah bangin mawhna maisak theihna dingin hong hilh in.
"Kilemna ii bulpi leh khaicite hi-in, tua hi leh nang mah in maailam aa dingin nasem na hi ding aa, kilemna bektawh leitungah ki kalsuan thei ding hi."
Sign up to our newsletter and get latest news and updates straight to your inbox!
