Misiangtho Aloysius in 1568 kum in Italy gam Gonzaga khua ah suak hi. A neu lai-in a nu leh a pa tawh Italy gam-a a Nu leh a Pa’ lamsa innpi ah teeng uh hi.
Misiangtho Emily de Vialar in Piantit gam, Gaillac khua-ah 1797 kumin suak aa, nau pasal nih nei hi. A tung pankipan siangthona akiplet khat hi a, van hoih tuamtuam te zang lo in limlangh ki-et nangawn kidek hi.
Tuchon in mizawng khat hi aa, Lenggah huanno khat aneih hangin a suan ding lenggah kungno lei nading nangawn sum nei lo hi. Tua ahih manin a huan veng te in Lenggah hiang tan-in a paih te uh tawmin Tychon in suan hi.
St.Germaine pen 1579 kumin Piantit gam, Pibrac khua-ah lokho innkuan sung panin suak hi. Ama suah khit asawt loin a nu in sihsan pah aa, a pa in it lo pi-in kem in, a nukik in simmawh bawl lai hi.
Misiangtho Barnabas in Levi suan Misiangtho Mark tawh apa te uh unau hi a, Cyprus ah suak hi. Joseph cih min pan Barnabas ci-in nungzuipite in laih sak uh hi. Barnabas in “thapiakna” cih khiatna nei hi. (Act 4:37).
Misiangtho Ephrem in 306 kumin Seria gam, Nisibis khua-ah suak hi. Kum (18) aphak ciangin tuisawpna sangin Catholic Pawlpi sungah alut manin a nulepa te in inn pan hawlkhia uh hi.
Misiangtho Boniface in 673 kumin England gam, Cregiton ah suak hi. Kum (5) aphak hunin a inn uh ah ahawh, Zateih pawlkhat te’ ki ho na a ngaih khit ciangin ama nuntakna Pasian ading piakkhiat dingin khentat hi.
Misiangtho Charles leh alawm (12) te pen Buganda ii amasa pen Martyrs te ci-in zahtakna pia uh hi. 1870 kumin Europe gam mi Siampite tua gamah pai uh aa, Kumpi Mtesa ii uk na hunsungin amaute’ Pasian nasepna tangzai in khangto mahmah hi.
...
Misiangtho Marcellinus in Rome ah a minthang mahmah Siampi khat hi-in, Misiangtho Peter in dawite ahawlkhia thei khat ahi hi. 304 kum, Diocletian in pawlpi abawlsiat mahmah hunin amautenih kimanin thong sungah ki khum hi.
Misiangtho Justin in AD 100 kumin Samaria ah Pasian a um lo nulepa sung pan suak hi.
Sign up to our newsletter and get latest news and updates straight to your inbox!
