Misiangtho Justin

Misiangtho Justin in AD 100 kumin Samaria ah Pasian a um lo nulepa sung pan suak hi. Kum 30 aphak hunin Pasian thu tangko na hangin thatna athuak te in hangsan takin a upna uh te-ci apang na thu te a muh na pan Pasian thu um in Christian sungah lut hi. Tua pankipan ama nuntakna pen lai simna leh Christian upna a tangzai semsem na dingin piakhia hi. “Mawhna leh mawhna dan thuaknate in ei te tungah alauhuai dan ahih loh na dingin ei te’ thu hilhna te mi te’ theih dingin ih sep ding pen ei te vaipuak hi” ci-in Justin in gen hi. Amah in Christian masa te’ upna leh anuntak zia te aki hel, amanpha mahmah laibu te at hi.
Roma ah sang khat aphuat khit ciangin tua lai ah Pasian thu umlo mipil te leh mipi te mai ah kam kinial na khat bawl in amaute ii theihtheih lohna leh amaute’ ut bangin Pasian thu te a manlopi in a deihna akhiatnate uh mawhsakna gen hi. Tua te lak pan Crescens cih minnei, mi hoihna a mu thei lo khat in Misiangtho Justin leh alawmte thum manin Rusticus kumpi kiangah puak hi.
Tua ciangin Rusticus in Justin pen amaute’ dawi pasian bia dingin a sawl leh Misiangtho Justin in “lungsim man tawh aom mi peuhmahin thuman lo khat adingin thuman thutang khat cik mah hunin nusia ngei lo ding hi. Ko te’ Topa Jesu a dingin gimna thuakin hotkhiatna ka ngahna sangun a dang khat peuh kote in ka ngen kei uh hi” ci hi. 165 kumin Misiangtho Justin leh alawmte in thahna thuak uh hi. Misiangtho Justin pen philosophers te a huh misiangtho in ki ciamteh hi.
Misiangtho Justin aw…kote adingin thu hong ngetsak tan.