Misiangtho Marcellinus leh Peter

Misiangtho Marcellinus in Rome ah a minthang mahmah Siampi khat hi-in, Misiangtho Peter in dawite ahawlkhia thei khat ahi hi. 304 kum, Diocletian in pawlpi abawlsiat mahmah hunin amautenih kimanin thong sungah ki khum hi.
Amaute’ up na pen thong cing pa Artemius in zahtak mahmahin asawt lo-in a innkuanpih te tawh tuisawpna sang uh hi. Tua khit ciangin Marcellinus leh Peter te Silva Nigra a cihna gam sungah paipih in that uh hi. Tua bangin upna leh thumanna tawh thahna a thuakna uh thu pen Christian khat asuak ahi, amaute a that te lak ah a kihel khat in gen khia hi.
Tua ciangin Pasian thu ahanciam mahmah numei nih ahi, Lucilla leh Firmina te in Marcellinus leh Peter te’ luang pen lasimin Labicana lampi ah a om, St. Tiburtius hanah vui uh hi. Amaute’ han tungah Constantine in Biakinn khat lamin tua lai mahah ama nu ahi, Misiangtho Helen vui hi.