Misiangtho Ephrem

Misiangtho Ephrem in 306 kumin Seria gam, Nisibis khua-ah suak hi. Kum (18) aphak ciangin tuisawpna sangin Catholic Pawlpi sungah alut manin a nulepa te in inn pan hawlkhia uh hi. Tua pan Ephrem in Nisibis Siadaw Jacob ii nungzui in 325 kumin Nicaea meeting pi ah Siadawpa tawh kahkhawm uh hi.
350 kum ciangin Syria gam pen Persia (Iran) khut nuaiah a tunhun ciangin Ephrem in midaihna Edessa mual tungah pai-in kideknate nasia takin nei hi. Tua munah aom leihawm sungah amah om in Laisiangtho leh kha nuntakna khantoh na ding lamlak lai te gelh hi.
Ephrem pen Deacon khat hi a, ama kiniamkhiatna hangin Siampi suah ding nial hi. Amah in Edessa ah Pasian thu tangko zel in amanlo lamlahnate nial in Catholic pawlpi’ up na te hangsan takin kemin dal hi. 373 kumin Edessa gamah kialpi tung ahih manin Ephrem in mi cimawhte huh dingin amah leh amah ki-ap hi. Tua bangin mi cimawhte ahuh na hangin a tha bei lua ahih manin ama om na leihawm atun kik khit zawh kha khat a cing ma-in si hi.
Ama ii nasep lianpen in asiangtho Pasian phatna la te pen kikhopna sung leh biakpiakna hun sung te ah aphuankhia masa pen ahi hi. “Dai dide, zan siangtho” la a phuakpa zong ahi hi. Tua ahih manin amah pen “Khasiangtho lukhu” ci-in minthang hi. Misiangtho Ephrem pen Kha lamlak (Spiritual directors) te a huh Misiangtho in ki ciamteh hi.
Misiangtho Ephrem aw…Ko te adingin thu hong ngetsak tan.