“Suangpi ahi Jesu tawh i kipawl kei leh Christian bangin ki nungta thei lo hi. Amah in thakhauhna leh akip nuntakna hong pia in, tua bek tham lo-in lungdamna leh lungmuanna zong hong pia hi.”
"Siangtho Pumpi in Vantung gam aa dingin i nunlakna hi: Jesu in nuntak tawntungna ngahna dingin i khualzin na-ah lam honglak hi."
"Eite aa dingin Pawlpi pen Leitung mun khempeuhah paikhia in Lungdamna thu tangko aa, mi khempeuhin a lungtang sunguh ah Pasian a muh theina ding lampi a honsakte hih ding kisam hi."
“Lunggulhna khat i ngahna dingin thuakzawh hatna kisam in, thuakzawhhatna i cih pen a kituh khaici bangin kimu thei aa, ahih hangin a khangkhia sak Pasian ahi hi.”
"I diik ding Oxygen i kisap mah bangin Pawlpi in Lungdamna thu tangko ding kisam hi. Pawlpi in Pasian hong itna leh tua Lungdamna thu pen midangte tungah hawmsawn lo-in om theilo hi."
"Itna in a vanglian mahmah khat ahi hi, nuntakna hongpia in, hamsat gentheihna ih tuak hun ciangin zong lam-etna tawh hong ki dimsak hi."
"Pasian Kamsang i cihte pen Khasiangtho lamlahna a ngah, midangte'n Pasian piak thupha a muh theihna dingun lam a lak khat ahi hi."
“Thukhenna ni ciangin i ngaihsutna tungtawnin thu hong ki khen ding hi lo-in, midangte tung aa i lahkhiat hehpihna tawh thu hong ki khen ding hi.”
"Lungsim picing takin gamtat theih nading leh asia apha khentel theih nading pilna i hawmsawn ding kisam hi."
"Na it, na ngaih khat pen nusia ngei kei in. Na lungnopna zong mawk beisak kei in. Banghang hiam cih leh nuntakna in mitphial bang hi lel hi."
Sign up to our newsletter and get latest news and updates straight to your inbox!
