“Topa Jesu ii lungtangin abeisa hun aa i liammate hong damsak hi. Bangbang a piang zongin Pasian in eite hong it den hi cih mangngilh kei ni.”
"Pasian pen hong nusia ngeilo, hong thakhauhsak, hong muak/sang den leh ngaihsutna hoih hongpia i Pa ahi hi."
"Hehpihna i cih pen phawkna pan hong piang hilo aa: a sia leh a pha theihna hangzong hilo in, i kha nuntakna sungah Pasian lamlahna ahi hi."
“Sum leh leitung nate in i nuntakna ii bulpi hong hi-in a hong tuamcip ciang, sila hong suak sak hi.”
"Leitung buppi na khempeuhte siamna leh theihna te sangin Pasian hong itna pen tehpih theih ding a omlo lungdamna thupha ahi hi.”
"Pasian in eite hong ompih lam phawk tawntung ni: i innkuan sung, i veng leh paam sung, i teenna khuasung, i omna peuhpeuhah hong ompih hi."
“Eima deihna bek cilo aa Pasian aading leh midangte phattuam na dingin sepna tawh nungzui hoih i hihna dingin Jesu in hong hilh hi.”
"Mihingte nuntakna in huih dikna tawh tomno sung bek hi mah tase leh Pasian tungah thu a gen taktak te-in Pasian muhna sungah mi manpha ahih lam uh ki theitel uh hi."
"Leitangin guahtui a kisap mah bangin Pawlpi leh leitungbup in khangote hong kisam hi."
"Pasian in mipil misiamte a sam hilo aa, a sap mite tungah sep theina pia hi."
Sign up to our newsletter and get latest news and updates straight to your inbox!
