Mawhna ih cih ahih leh Pasian langpang na ahi hi.

Homily by Rev. Fr. Thomas Tuang ( Augsut 5, 2021)

Pasian khasiangtho in hong ompih leh Topa pen Pasian tapa hi, eite hong kem pa, hong it pa hi cingam ding hi hang. Tua ahih manin Peter bangin ih hangsan zawh nading, peter bangin ih ngaih sut theih nading thupi hi. Tua ahih manin mawhna tawh kisai mawhmai sak theihna pen pawlpi sungah ih mu thei hi. Topa Jesu in tuni in Peter tungah agen leitungah na hen te uh vantungah kihen ding aa, leitungah naphel te uh vantungah zong kiphel ding hi ci-in agen mah bangin RC pawlpi CC sungah 1440-1443 kikal sung en lehang Topa Jesu in a pawlpi nasepna, thungetna leh a pawlpi gamtatna hangin mawhmaina piak ding adeih lam muthei hi hang. Pasian bekin mawhmai sak hi. Ahi zongin ih pawlpi sungah mawhmai sak theihna aana pia ahih manin tua tungtawn in pawlpi tawh kilemna, Pasian tawh kilemna pen eiten kinei tangtang hi. Mawhna ih cih ahih leh Pasian langpang na, Pasian tawh kigawmna pan kisiatna kitatsatna ahihi. Tua ahih manin mawhna khialhna anei ei leitung mite in mawhmaisakna kisam hi hang. Tua ahih manin Pasian in pawlpi tung pan eite mawhmaina hong piak ding deih hi cih ithei hi. Tua ahih manin eiten asiangtho ding, Pasian deihna bangin agamta ding khangno te ih hih lam athak in phawk pha ni.