Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
Catholic Nisim Lungdamna Laisiangtho. Paska Hun NipiKaal (4) Na. 4.5.2023(Thurs)
Thursday, May 04, 2023
John 13:16-20
16. Ken a man takpi kong genin ah, silate in a topa uh sangin lianzaw lo uh hi. Sawltakte in a sawlpa’ sangin lianzaw lo hi.
17. Note in tua nate thei-in na zuih uh leh, thupha na ngah ding uh hi.
18. Note khempeuh hong ci ka hi kei hi. Ka teelsa mite ka thei hi. Ahi zong in hih bang a pianna in: ‘Ankuang ka umpihpa in a khe tawh kei hong peek hi,” a cihna Lai Siangtho a tangtunna ding ahi hi.
19. Hih thu a pian ciangin tua pa ka hih lam na theihna dingun, a pianma-in note’ tungah tu-in kong genkhol hi.
20. Ken a man takpi kong genin ah, ka sawl mi a sang mi in, kei hong sang hi a, kei hong sang mi in kei hong sawlpa a sang ahi hi,” a ci hi.
Hih in Topa' Lungdamna Lai Siangtho ahi hi.
Add new comment