"Pasian gam sungah leenggahzuthak kadawnni matengin tu-a kipan kadawn nawnkei ding hi"

Catholic Nisim Lai Siangtho, Christu Topa Si le Sa Pawi, June 6, 2021 (SUN)

Lungdamna lai Siangtho (Mark 14: 12-16. 22-26)

12. Silngo sawhloh Khomun Pawi ni masa pen ni Paisan’ tuuno a kigawh ngei hunin nungzuipite in ama kiang ah, “Paisan pawi bawlna ding koi lai-ah pai-in na bawlkhol le-ung deih na hi hiam?” ci-in Jesu’ kiangah a dong uh hi.13. Tua ahih manin amah in a nungzuipite nih sawl a, amaute’ kiangah, “Khua sungah pai unla tuibeel khat a pua mi khat tawh na kituak ding uh hi.14. Amah zui unla, ama lutna inn neipa’ kiangah, ‘Siapa in: Keimah in ka nungzuipite tawhPaisan pawi ka bawlna dingin zintunna inndei koi lai ahi hiam, ci-in hong dongsak hi,’ va ci un.15. Amah in van zat ding a kima om, a kipuahsa inndei tungnung a zaipi khat note hong lak ding hi. Tua lai-ah ei’ aadingin na bawl khol un,” ci-in a nungzui nihte a sawl hi.16. Tua ahih manin tua nungzui nihte khuapi sungah pai uh a, Jesu gensa bangin mu-in, amaute in Paisan pawi bawlna ding a bawlkhol uh hi.22. Amaute in an a nek laitakun Jesu in khomun la-a, thupha a piak khit ciangin khomun balnenin, “Hih in ka pumpi ahi hi. La unla ne un,” ci-in a nungzuipite a pia hi.23. Tua khit ciangin hai zong la-a, lungdam a koh khit ciangin amaute pia a, amaute khempeuh in a dawn uh hi.24. Jesu in amaute’ kiangah, “Hih in mi tampite’ aadinga a kibuakhia thuciam thak ka si ahi hi.25. Ken a man takpi kong genin ah, Pasian gam sungah leenggahzu thak ka dawn ni matengin tu-a kipan ka dawn nawn kei ding hi,” a ci hi.26. Amaute in phatna la a sak khit uh ciangin Olive Mual zuanin a paikhia uh hi.

Hih in Topa' Lungdamna Lai Siangtho ahi hi.