"Zawng napi-in ama kivakna ding sit nei loin a neih khempeuh a khia hi"

Catholic Nisim Lai Siangtho, Hun Nautaang NipiKaal (9) Na, June 5, 2021 (SAT)

Lungdamna lai Siangtho (Mark 12: 38-44)

38. Jesu in thu a hilh laitakin, “Lai siangtho siamte’ panin na kikem un. Amaute in puantual silhin a vak kawikawi nuam uh a, vanzuakna munte ah pibawlin hopih ding ut-in,39. kikhopna inn sunga tokhom thupi pente ah tu nuamin, nekkhawm pawipite sungah zong a kithupi bawlna munte ah a tu nuam uh hi.40. Amaute in meigongte’ neihsa ne mang uh a, kineih khemin sauvei pipi thu a ngen uh hi. Tua bang mite in mawhsakna lianzaw a thuak ding uh hi,” a ci hi.41. Tua laitakin sumpi khiatna mun mai-ah Jesu tu-in mihonpite in biakinnpi sum kholna sunga amau sum a khiat uh a en hi. Sumhau mi tampite in sum tampipi a khia uh hi.42. A zawng meigong nupi khat hong pai a, penny pek khat tawh a kikim dangka san tang nih a khia hi.43. Tua ciangin Jesu in a nungzuite sam a, “Ken a man takpi kong genin ah, hih a zawng meigongnu in midang teng khempeuh sangin sumkholna ah tam a khia zaw hi.44. Bang hang hiam cih leh, amaute in a sum val lak panun a khia uh ahi hi. Tua numei ahih leh, zawng napi-in ama kivakna ding sit nei loin a neih khempeuh a khia hi,” a ci hi.

Hih in Topa' Lungdamna Lai Siangtho ahi hi.