"Kisikkik unla, lungdamna thu um un"

Catholic Nisim Lai Siangtho, Zehtan Hun Sungah Nipi Masa, Feb 21, 2021 (SUN)

Lungdamna lai Siangtho (Mark 1: 12-15)

12. Tua khit ciangin thakhatin Kha Siangtho in Jesu sehnel gamlak ah a paipih hi. 13. Gamlak ah Satan’ ze-etna thuakin ni sawmli sung a om hi. Gamsate tawh amah omkhawm a; vantung mite in kemin a vak uh hi. 14. John a kimat khit ciangin Jesu Galilee gamah hong pai a, Pasian’ lungdamna thu tangko-in a hilhin ah, 15. “A hun hong tung ta hi. Pasian’ Gam hong tung dek ta hi. Kisikkik unla, lungdamna thu um un,” a ci hi.

Hih in Topa' Lungdamna Lai Siangtho ahi hi.