Topa Jesu tawh kizom in gah tampi agah te ih hih ding kisam hi.

Daily Homily by Rev. Fr. Joseph Zo Mung (May 2, 2021)

Eite in gah ii gah hiam? Kei koimun ah kapa hiam? Tuni in ah lenggui ih hih leh azung maw, ateh maw, agah maw, kei koimun ah kihel ka hiam cih kingaih sun in ii nuntakna te ah gah tampi agah ding in ih hanciam ding kisam hi.

Tua ahih manin thuman thutak ii theihna, ii upna te ih gamtatna tawh ii zuih ding kisam aa, tua te ii zuih khit ciangin gah agah ih hipan ding hi. Tua in Topa Jesu deih ahihi.

Ahi zong in ih upna, ih theihna te gamtatna tawh ih lah kei leh gah agah lo hiang te tawh ii kibang ding aa, tua te kisat tan ding hi, ci-in tuni Lungdamna Laisiangtho sungah hongthei sak hi. Tua ahih man in eite khat ciat in thuman thutak ih theihna, ih upna te zui in ih gamtatna te tawh lak khia in tua sungah lungnuam tak aa, a nungta te Topa Jesu tawh kizom in gah tampi agah te ih hih ding kisam hi.

Tua te tawh bangci kizom ding ih hi hiam cih leh thungetna tawh kizom thei hi, piak khiatna tawh kizom thei hi, thupha bawlna tawh kizom thei hi, itna ki lah na tawh kizom thei hi.