Topa Jesu in eite aading gam thak hongpia hi.

Daily Homily by Rev. Fr. Thomsa Tuang (July 15, 2021)

Tuni Topa Jesu in eite aading gam thak hongpia hi. Tua gam in kilemna, ki-itna leh nopsakna gam ahi hi. Hih gam ah ih mawhna, ih khialhna, ih hoih lohna khempeuh te Topan hong maisak ding aa, tawntung nuntakna na ngawng hongpia ding ahi hi. Eite in tua gam ih tun masiah hih leitungah khualzin mi ih hih mah bangin ama gam ahih leh hih leitung gam bang hilo in kha nuntakna atawntung aa nuntaak nading gam vantung gam ahi hi. Hih leitungah haksatna buaina te om in lung muanna om kei mah ta leh Topa in eite hong ompih hi cih tuni ih phawk nading in laisiangtho sungah ih muthei hi."Note nalungkham uh ciangin, nagim uh ciangin, na van uh agik ciangin kei kiangah hong pai un kei hakkol zang hi," ci-in Topa Jesu in hong zawt mah bangin eiten zong Topa Pasian ih zawt siam nading in ih lungsim khempeuh te Topa kiangah ap ni.