Pasian hangin a nungta ihi hi.

Daily Homily by Rev. Fr. Thomas Tuang (July 19, 2021)

Khat veivei ciangin leitung ih nuntakna pen kua hangin nungta ka hiam cih theilo hi hang. Phawkkha lo hi hang. Pasian hangin a nungta ih hih lam ih phawk ding ahi hi. Hu ih san, ih diik laiteng Topa hang ahi hi. Buaina, phatna ih muh lai teng, siatna kawl kal lakah Topa ih up theihna pen Pasian na lamdang ahi hi. Tua ahih manin eite aa dingin na lamdang tuamtuam te hong kilah sangin Topa tungah ih upna, a laisingtho te ih zakna, a laisiangtho sung aa ama gente ih san na, ih zuihna te in eite aa dingin na lamdang hi pah hi.