Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
"Note na dah uh hangin, note’ dahna nuamna a suak ding hi"
Catholic Nisim Lai Siangtho, Paska Hun NipiKaal (6) Na, May 13, 2021 (THURS)
Lungdamna lai Siangtho (John 16: 16-20)
16. “Tawlkhat khit ciangin note in kei nong mu kha nawn kei ding uh hi. Tua khit a sawt loin note in kei nong mu kik ding uh hi,” a ci hi.17. A nungzuite pawlkhat in, “Tawlkhat khit ciangin nong mu kei ding uh hi. Tua khit a sawt loin nong mu kik ding uh hi. Bang hang hiam cih leh Pa’ kiangah ka pai ding hi, a cih bang a cih nopna hi ding ahi hiam?” ci-in khat le khat a kidong uh hi.18. Tua ahih manin amaute in, “Tawlkhat khit ciangin,’ a cihna in bang ahi hiam? Ama cih nopna i thei zo kei hi,” a kici uh hi.19. Amaute in a dot nop uh Jesu in a theih ciangin amaute’ kiangah, “Tawlkhat khit ciangin note in kei nong mu nawn kei ding uh hi. Tua khit ciangin a sawt loin note in kei nong mu kik ding uh hi, ka cihna thu note khat le khat kidong na hi uh hiam?20. Ken a man takpi kong genin ah, note dahin na kap ding uh hi. Ahi zongin leitung ahih leh, a lungdam ding hi. Note na dah uh hangin, note’ dahna nuamna a suak ding hi.
Hih in Topa' Lungdamna Lai Siangtho ahi hi.
Add new comment