"Nang na hih leh, ka nung hong zui in,” a ci hi"

Catholic Nisim Lai Siangtho, Paska Hun NipiKaal (7) Na, May 22, 2021 (SAT)

Lungdamna lai Siangtho (John 21: 20-25)

20. Peter a nunghei leh Jesu’ it nungzuipipa in amaute a zuih laitak a mu hi. Hih pa pen, nitak-an a nek khawm lai uh a, Jesu’ ang ah kingam a, “Topa, kua in nang hong lehhek ding ahi hiam?” ci-a a dong pa ahi hi.21. Peter in amah a muh ciangin, “Topa, amah bangci ding ahi hiam?” ci-in a dong hi.22. Jesu in ama kiangah, “Kong paikik hun dongin amah a nuntak ding ka deih leh zong, bang phamawhsa na hi hiam? Nang na hih leh, ka nung hong zui in,” a ci hi.23. Tua ahih manin, “Tua nungzuipipa si lo ding hi,” ci-in sanggamte’ lakah a kigenthaang hi. Ahi zongin Jesu in amah si lo ding a cihna hi lo a, “Kong paikik hun dongin amah a nuntak ding ka deih leh, bang phamawhsa na hi hiam?” a ci hi bek hi.24. Hih nungzuipipa in hih thu khempeuh teci panga, a gelhpa ahi hi. Ama teci panna a man hi, ci-in ka thei uh hi.25. Jesu in nadang tampi zong a sem lai hi. A vekpi-in kigelh khin hi-leh a kigelhna laibute leitung ah ta zo lo ding hi, ci-in ka um hi.

Hih in Topa' Lungdamna Lai Siangtho ahi hi.