"Mailam-a hong piang lai ding thute zong note hong hilh ding hi"

Catholic Nisim Lai Siangtho, Paska Hun NipiKaal (6) Na, May 12, 2021 (WED)

Lungdamna lai Siangtho (John 16: 12-15)

12. “Keimah in note’ kiangah gen ding thu tampi ka nei lai hi. Ahi zongin tu-in note in na sang zo nai kei ding uh hi.13. Thuman thutak’ Kha Siangtho hong pai ciangin, thuman thutak’ thu a vekpi-in note hong hilh ding hi. Bang hang hiam cih leh, amah in ama utthu-in hong gen lo dinga, a zak sa thute bek hong gen ding hi. Tua tham loin mailam-a hong piang lai ding thute zong note hong hilh ding hi.14. Amah in ka minthanna hong pulak khia ding hi. Bang hang hiam cih leh, amah in kei’ aate la-in note hong hilh ding hi.15. Pa’ neihsa khempeuh kei’ aa ahi hi. Bang hang hiam cih leh hih thu hangin amah in kei’ aa la-in note tungah hong pulakkhia ding hi.

Hih in Topa' Lungdamna Lai Siangtho ahi hi.