"A kiseelcip hangin a kilangkhia lo ding bangmah om lo hi"

Catholic Nisim LaiSiangtho, Hun Nautaang NipiKaal (25) Na, September 20, 2021 (MON)

Lungdamna lai Siangtho (Luke 8: 16-18)

16. “Kuamah in mei a vak khit ciangin thambeel nuai-ah ahi zongin, lupna nuai ah ahi zongin koih ngei lo hi. Tua tham loin inn sunga om khempeuh in khua a muh theihna dingin meivak tunna tungah a tungzaw hi.17. Bang hang hiam cih leh, a kiseelcip hangin a kilangkhia lo ding bangmah om lo hi. A ki-imcip hangin kithei khia loin khuavak ah a tung lo ding bangmah om lo hi.18. Tua ahih manin note in thu bangci zak na hi uh hiam, limtakin ngaihsun un. Bang hang hiam cih leh, a neite kipiak beh dinga, a nei lote’ kiang panin a neih sunsun-a a ngaihsutte nangawn kisutkhia ding hi,” a ci hi.

Hih in Topa' Lungdamna Lai Siangtho ahi hi.