Khatvei leitung nusia-in Pa’ kiangah ka paikik ding hi,”

Catholic Nisim Lai Siangtho, Paska Hun NipiKaal (6) Na, May 15, 2021 (SAT)

Lungdamna lai Siangtho (John 16: 23-28)

23. Tua ni ciangin kei, bangmah nong ngen nawn kei ding uh hi. Ken a man takpi kong genin ah, note in keima min tawh Pa’ kiangah na nget peuhpeuh uh hong pia ding hi.24. Tu dongin ka min suangin bangmah na ngen ngei nai kei uh hi. A kicing lungdamna na ngahna dingun ngen un, na ngah ding uh hi.25. “Hih thute gentehna tawh kong gen khin zo hi. Gentehna tawh gen loin, note’ kiangah kiciantaka Pa’ thu kong genna ding hun hong tung ta hi.26. Tua ni ciangin note in ka min suangin thu na ngen ding uh hi; note’ aading Pa’ kiangah kong ngetsak ding hi, note’ kiangah kong ci kei hi.27. Bang hang hiam cih leh, note in kei nong it uh a, Pa’ kiang pana hong pai ka hihna note in um na hih uh manin Pa mahmah in note hong it hi.28. Keimah in Pa’ kiang pan hong pai-in leitung ah kong kumsuk hi. Khatvei leitung nusia-in Pa’ kiangah ka paikik ding hi,” a ci hi.

Hih in Topa' Lungdamna Lai Siangtho ahi hi.