"Kei hong suang loin Pa’ kiangah kuamah tung thei lo hi"

Catholic Nisim Lai Siangtho, Paska Hun NipiKaal (4) Na, April 30, 2021 (FRI)

Lungdamna lai Siangtho (John 14: 1-6)

1. Jesu in, “Note na lungkham kei un; Pasian um unla, kei zong hong um un.2. Ka Pa’ inn sungah omna mun tampi a om hi. A om kei leh, note’ kiangah kong gen zo ding hi. Note’ omna ding mun bawlkhol dingin ka pai ding hi.3. Pai-in note’ omna ding mun ka bawl khit ciangin ka omna munah note na om theihna dingun hong paikikin note kong pi ding hi.4. Note in ka paina ding mun lampi na thei uh hi,” a ci hi.5. Thomas in Jesu’ kiangah, “Topa aw, nang koi ah pai ding cih ka thei kei uh hi. Lampi bangci theih ding ka hi uh hiam?” a ci hi.6. Jesu in ama kiangah, “Keimah in lampi ka hi a, thuman thutak le nuntakna zong ka hi hi, Kei hong suang loin Pa’ kiangah kuamah tung thei lo hi.

Hih in Topa' Lungdamna Lai Siangtho ahi hi.