"Dawite in amah Christuo hi, cih a thei uh hi."

Catholic Nisim LaiSiangtho, Hun Nautaang NipiKaal (22) Na, September 1, 2021 (WED)

Lungdamna lai Siangtho (Luke 4: 38-44)

38. Kikhopna inn pan Jesu a paikhiat khit ciangin Simon’ inn ah a hawh hi. Tu-in Simon’ sungnu in nakpi-in cisa natin om ahih manin a damna dingin ama aading Jesu’ kiangah a ngen uh hi.39. Tua ciangin Jesu ama kiangah dingin a cisa natna a damna dingin thu a piak ciangin, a cisa dam a, thakhatin tho-in amaute zin a do hi.40. Ni a tum ciangin natna tuam- tuam a neite Jesu’ kiangah hong paipih uh a, amah in amaute khempeuh’ tung ah khut nga-in a damsak hi.41. Dawite in zong, “Nang in Pasian’ Tapa na hi hi,” ci-in kiko-in mi tampite’ sung pan a paikhia uh hi. Ahi zongin Jesu in amaute a pau ding uh phal lo hi. Bang hang hiam cih leh tua dawite in amah Christuo hi, cih a thei uh hi.42. Khua a vak ciangin Jesu gamdaihna munah a pai hi. Mihonpite in amah zong uh a, ama omna munah a tun uh ciangin amaute’ kiang pan a paikhiat lohna dingin a kho uh hi.43. Ahi zongin Jesu in amaute’ kiangah, “Pasian’ gam lungdamna thu tangko dingin kei hong kisawl ahih manin khua dangte ah zong ka tangko ding hi,” a ci hi.44. Tua ahih manin Jesu in Judea gam kikhopna innte ah thu tangko-in a om hi.

Hih in Topa' Lungdamna Lai Siangtho ahi hi.