Catholic Nisim Lungdamna Laisiangtho. Paska Hun NipiKaal (2) Na. 20.4.2023(Thur)

John 3:31-36
31. Tunglam pana hong paipa in na khempeuh tungah a om hi. Leitung pana hong piang mi in leitung tawh a kisai mi hi a, leitung-vai vive a gen hi. Vantung pana hong paipa in na khempeuhte tungah a om hi.

32. Amah in a muhsa le a zaksa thute teci a pang hi. Kuamah in ama teci panna thu sang lo uh hi.

33. Ama teci panna thu a sang mi in, Pasian in thuman ahi hi, cih a thukimpih ahi hi.

34. Bang hang hiam cih leh Pasian’ hong sawl mi in Pasian’ thute a gen hi. Pasian in ama tungah ciangtan loin Kha Siangtho a pia hi.

35. Pa in Tapa it a, na khempeuh ama khut sungah a pia khin hi.

36. Tapa a um mi peuhmah in nuntak tawntungna a ngah hi. Ahi zongin Tapa a nial mi peuhmah in nuntak tawntungna ngah lo ding hi. Pasian’ thangpaihna in tua pa’ tungah a om hi.

Hih in Topa' Lungdamna Lai Siangtho ahi hi.