"Ama tung pan vangliatna paikhia a, mi khempeuh a dam siangsak hi.

Catholic Nisim LaiSiangtho, Hun Nautaang NipiKaal (23) Na, September 7, 2021 (TUE)

Lungdamna lai Siangtho (Luke 6: 12-19)

12 Tua ni hunin thungen dingin mual tungah Jesu kahto a, zan tawntung Pasian’ kiangah thu ngenin a om hi.13 Khua a vak ciangin a nungzuite sam a, sawm le nihte teelkhia-in, ‘Nungzuipite’ ci-in min a pia hi.14 Tuate in: Peter kici Simon le a sanggampa Andrew, James le John, Philip, Bartholomew,15 Matthew, Thomas, Alphaeus’ tapa James, Zealot kici Simon,16 James’ tapa Judas le Jesu a lehhekpa Judas Iscariot-te ahi uh hi.17 Jesu in amaute tawh mual tung pan kumsuk khawm a, mun zangah a ding hi. Tua lai-ah ama nungzui honpi le Judea gam khempeuh, Jerusalem, Tyre le Sidon’ tuipi dung pan mi tampi zong a om uh hi.18 Amaute in thu a ngai ding le a natnate uh a damsakna ding deihin Jesu’ kiangah hong pai uh a, kha ninte’ bawlsiatna a thuak mite in zong cidamna a ngah uh hi.19 Mihonpite khempeuh in Jesu a lawnna ding a zong uh hi. Bang hang hiam cih leh, ama tung pan vangliatna paikhia a, mi khempeuh a dam siangsak hi.

Hih in Topa' Lungdamna Lai Siangtho ahi hi.