"Ama minin minam khempeuhte’ tungah kisikkikna le mawh maisakna thu a kitangko ding hi,”

Catholic Nisim Lai Siangtho, Paska Hun NipiKaal (1) Na, April 8, 2021 (THURS)

Lungdamna lai Siangtho (Luke 24: 35-48)

 

35. Tua ciangin tuate gel in lampi a thupiangte le Jesu in khomun a balnen laitakin a meel a theihcian patna uh thute a gen uh hi.36. Hih thu a gengen laitakun Jesu amaute’ laizang ah dinga amaute’ kiangah, “Note tawh nopna om ta hen,” a ci hi.37. Amaute sikha a mu kisa-uh a, lau-in a liing uh hi.38. Amah in amaute kiangah, “Bang hangin lau-in liing na hi uh hiam? Bang hangin na lungsim sung uh ah um zo nai lo lai na hi uh hiam?39. Ka khutte le ka khepekte en un. Keimah mah ka hi hi! Hong en unla, na khut uh tawh hong lawng un.40. Nong muh uh bangin guh le satak ka nei hi; sikha in a nei kei hi,” ci-in a khut le a khete amaute a lak hi.41. Amaute in lamdang sa uh a, lungdam lua ahih hangin a um zo nai kei uh hi. Amah in, “Note in hih lai-ah nek theih ding khatpeuh na nei uh hiam?” ci-in a dong hi.42. Amaute in amah ngasa emsa khat a piak uh leh43. la-a amaute’ muh-in a ne hi.44. Tua ciangin amah in amaute’ kiangah, “Moses’ Thukham sungah ahi zongin, Kamsangte’ gelh sungah ahi zongin, late’ sunga kigelhsa keima thu khempeuh a tangtung ding hi, ci-in note tawh kong om khoplai-in kong gen thute in hih thute ahi hi,” a ci hi.45. Tua ciangin Lai Siangtho a theihna dingun amah in amaute’ lungsim a honsak hi.46. Amah in amaute’ kiangah, “Christu in sihna thuakin a ni thumna ni-in thokik dinga47. Jerusalem pan kipankhia-in, ama minin minam khempeuhte’ tungah kisikkikna le mawh maisakna thu a kitangko ding hi,” ci-in kigelh hi.48. Hih thute ah note teci na hi uh hi.

 

Hih in Topa' Lungdamna Lai Siangtho ahi hi.

Add new comment

1 + 3 =