"Ahi zongin vantung ah note’ aadingin na manpha na khol zaw un"

Catholic Nisim Lai Siangtho, Hun Nautaang NipiKaal (11) Na, June 18, 2021 (FRI)

Lungdamna lai Siangtho (Matthew 6: 19-23)

19. “Nget in ne-in a kekseu theihna, gutate in luhin a guk theihna mun hih leitung ah na manpha na khol kei un.20. Ahi zongin nget in a nek theih lohna, a kekseu theih lohna, gutate in luhin a guk zawh lohna mun, vantung ah note’ aadingin na khol zaw un.21. Bang hang hiam cih leh, na neihsa na kholna mun uh ah na lungsim uh zong a om ding hi.22. “Mittang in pumpi’ meivak ahi hi. Tua ahih manin na mit a ciim leh, na pumpi bup in khuavak tawh kidim ding hi.23. Ahi zongin na mit a hoih kei leh na pumpi bup in khuamial tawh kidim ding hi. Tua ahih manin note’ sunga om khuavak pen khuamial hi leh, tua khuamial in bangzah takin mial ding hiam!

Hih in Topa' Lungdamna Lai Siangtho ahi hi.