“Telthei nai lo na hi uh hiam?”

Catholic Nisim Lai Siangtho, Hun Nau Taang Nipi Kaal (6) Na, Feb 16, 2021 (TUE)

Lungdamna lai Siangtho (Mark 8: 14:21)

14. Tu-in a nungzuite in gunkuang sungah a neihsa uh khomun pum khat longal an puak ding a mangngilh uh hi.15. Jesu in, “Pharisee-te le Herod’ silngo panin na kidawm un,” ci-in a hilh hi.16. A nungzuite in zong, “Eite in khomun i neih loh hang ahi hi,” ci-in amaute khat le khat a kikum uh hi.17. Tua ciangin amaute’ kikupna Jesu in a theih ciangin, “Bang hangin note in khomun na neih loh uh kikum na hi uh hiam? Tu dongin mu nai lo, telthei nailo na hi uh hiam?18. Na lungsim uh khauh lai ahi hiam? Note in mit nei napi-in mu lo na hi uh hiam? Bil nei napi-in za lo na hi uh hiam? Note in phawk nawnlo na hi uh hiam?19. Khomun pum nga mi tul nga’ aading ka balnen lai-in, a neng them seng bangzah dim tawm na hi uh hiam?” ci-in a dot ciangin, “Seng sawm le seng nih,” a ci uh hi.20. “Tua ciangin khomun sagih, tul li’ aading ka balnen lai-in, a neng a themte seng bangzah dim tawm na hi uh hiam?” ci-in a dong hi. Amaute in, “Seng sagih a pha hi,” ci-in a dawng uh hi.21. Tua khit ciangin Jesu in amaute’ kiangah, “Telthei nai lo na hi uh hiam?” a ci hi.

Hih in Topa' Lungdamna Lai Siangtho ahi hi.