“Na khempeuh kizo khin ta hi!”

Catholic Nisim Lai Siangtho, Hun Nautaang NipiKaal (8) Na, May 24, 2021 (MON)

Lungdamna lai Siangtho (John 19: 25-34)

25. Tua in Galkapte’ bawl ahi hi. Jesu’ singlamteh gei-ah a nu le a nu’ sanggamnu, Clopas’ zi Mary le Magdala khua mi Mary-te a ding uh hi.26. Jesu in a nu le a it a nungzuipa a kianga ding a muh ciangin a nu’ kiangah, “Numei aw, hih lai-ah na tapa a om hi!” a ci hi.27. Tua khit ciangin a nungzuipipa’ kiangah, “Hih lai-ah na nu a om hi!” a ci hi. Tua hun a kipanin tua nungzuipipa in amah a inn ah a kem hi.28. Tua khit ciangin Jesu in na khempeuh kizo khin hi, cih a theih ciangin, Lai Siangtho sunga kigelh a tangtunna dingin, “Ka dang a taak hi,” a ci hi.29. Tua lai-ah leenggahzu thuk beel khat a om hi. Amaute in tuihupna khat tua sungah a diah khit uh ciangin, pumpeeng dawnah suangin ama muk ah a tah uh hi.30. Jesu in lenggahzu a ngah khit ciangin, “Na khempeuh kizo khin ta hi!” ci-in a lu kunsukin a si hi.31. Tua ni in Kiginkholh Ni hi a, Sabbath ni-in a luangte singlamteh tungah a om lohna dingin, Jew mite in Pilate’ kiangah a khe kuaitanin a luangte a lakkhiatna ding a va ngen uh hi. Bang hang hiam cih leh, tua Sabbath ni in ni thupi mahmah ni ahi hi.32. Tua ahih manin galkapte va pai-in, Jesu tawh a kikhai khawm, a masa pa le adang khat’ khete a kuaitan uh hi.33. Amaute Jesu’ kiang a tun uh ciangin amah si khin ta, cih a muh uh ciangin, a khete a kuaitan kei uh hi.34. Ahi zongin galkap khat in a pang teipi tawh sun a, sisan le tui thakhatin a luangkhia pah hi.

Hih in Topa' Lungdamna Lai Siangtho ahi hi.