“Hih mite hehpihhuai ka sa hi"

Catholic Nisim Lai Siangtho, Hun Nau Taang Nipi Kaal (5) Na, Feb 13, 2021 (SAT)

Lungdamna lai Siangtho (Mark 8: 1-10)

1. Tua hun sung mah khatvei mihon tampi hong kikhawmkik uh hi. Amaute in nek ding bangmah nei lo uh ahih manin Jesu in a nungzuite sam a, 2. “Hih mite hehpihhuai ka sa hi. Bang hang hiam cih leh, kei’ kiangah hong om zawh uh ni thum pha khin ta-a, a nek ding uh bangmah nei lo uh hi. 3. Gilkialpi-in inn ah ciahsak leng pawlkhatte gamlapi pana hong pai uh ahih manin lamkal ah gilkialin a gim ding uh hi,” a ci hi. 4. A nungzuite in, “Hih gamlak ah hih mite’ an kham ding bang lak pan kingah zo ding ahi hiam?” ci-in a dawng uh hi. 5. Jesu in, “Khomun pum bangzah na nei uh hiam? ci-in a dot ciangin amaute in, “Pum sagih a om hi,” a ci uh hi. 6. Tua khit ciangin Jesu in, “Mihonpi leilak ah tusak un,” ci-in a sawl hi. Tua ciangin khomun pum sagihte la-a, lungdam a koh khit ciangin balnenin mipite a hawmkhiatna dingin a nungzuite a pia hi, tua ciangin amaute in mipite’ tungah a hawmkhia uh hi. 7. Amaute in ngasa tawmno zong a nei uh hi; Jesu in tuate thupha a piak khit ciangin, a hawmkhia dingin a nungzuite thu a pia hi. 8. Amaute in ne-in, a kham khit uh ciangin a khamval uh a neng a themte tawm uh a, seng sagih dim a ngah uh hi. 9. Tu-in mipite tul li bang a pha uh hi. Tua ciangin Jesu in amaute a sawlkhia hi. 10. Tua khit ciangin Jesu a nungzuite tawh gunkuang tungah tuang pah uh a, Dalmanutha gam lam zuanin a pai uh hi.

Hih in Topa' Lungdamna Lai Siangtho ahi hi.