“Hih kim a khuate ah pai ni. Tua khuate ah zong lungdamna thu ka tangko ding hi"

Catholic Nisim Lai Siangtho, Hun Nau Taang Nipi (5) Na, Feb 7, 2021 (SUN)

Lungdamna lai Siangtho (Mark 1:29-39)

29. Kikhopna inn pan amaute a paikhiat khit phetun James le John tawh Simon le Andrew-te’ inn ah a hawh uhhi. 30. Tu-in Simon’ sungnu cisanatin lupna tungah om a, amaute in thakhatin Jesu a ko uh hi. 31. Tua ciangin ama kiangah Jesu pai-a, a khut lenin a phongto hi. Tua ciangin a cisanatna dam pah a, amaute zin a do hi. 32. Tua nitak, ni a tum khit ciangin mite in cinate le dawiveite khempeuh Jesu kiangah a paipih uh hi. 33. Tua ciangin a khua bupin kongkhak kimkotah a kikaikhawm uh hi. 34. Tua ciangin Jesu in natna tuamtuam a vei mi tampi damsak a, dawi tampi zong a hawlkhia hi; tua dawite in amah kua hiam cih thei uh ahih manin Jesu in amaute a pau ding uh phal lo hi. 35. Zingsang khua a vak ma-in Jesu tho a, gamdaihna munah paikhia-in, tua lai-ah thu a ngen hi. 36. Simono le a pawlte amah a zong dingin a pai uh hi. 37. Amah a muh uh ciangin, “Mi khempeuh in nang hong zong uh hi,” a ci uh hi. 38. Jesu in, “Hih kim a khuate ah pai ni. Tua khuate ah zong lungdamna thu ka tangko ding hi. Bang hang hiam cih leh, hih thute’ hangin kei hong pai ka hi hi,” ci-in a dawngkik hi. 39. Tua khit ciangin amah Galilee gam sung tengah pai kawikawi a, kikhopna innte ah thu tangko-in dawite a hawlkhia hi.

Hih in Topa' Lungdamna Lai Siangtho ahi hi.