“Eite tawh Pasian hong omkhawm hi"

Catholic Nisim LaiSiangtho, Hun Nautaang NipiKaal (23) Na, September 8, 2021 (WED)

Lungdamna lai Siangtho (Matthew 1: 18-23)

18. Tu-in Messiah Jesu’ suahzia in hih bang ahi hi. A nu Maria pen Joseph aadingin zuthawl a kipiasa hi a, ahi zongin amaute gel a omkhop ma-un Kha Siangtho in amah a gaiisakna thu Maria in a thei hi.19. A lawmpa Joseph in midik khat hi a, a lawmnu maizumsak nuam lo ahih manin, maaksim ding a sawm hi.20. Ahi zongin tua banga a ngaihsut laitakin Topa’ vantung mi khat a mang sungah hong kilanga, “David’ tapa Joseph aw, Maria na zi dinga na lak ding lunghimawh kei in, bang hang hiam cih leh ama’ naupaaina pen Kha Siangtho’ gaiisak ahi hi.21. Amah in tapa khat nei dinga a min Jesu na phuak ding hi, bang hang hiam cih leh, amah in a mite a mawhna uh panin a honkhia ding hi,” a ci hi.22. Topa in kamsangpa’ tungtawnin a gensa thu khempeuh a tangtunna ding hih thu hong piang ahi hi.23. “En in! Nungak khat gaii-in tapa khat nei dinga, a min Emmanuel kici ding hi,” Emamanuel a khiatna in, “Eite tawh Pasian hong omkhawm hi,” cihna ahi hi.

Hih in Topa' Lungdamna Lai Siangtho ahi hi.