“Dikna hanga bawlsiatna a thuakte in thupha a ngah uh hi"

Catholic Nisim Lai Siangtho, Hun Nautaang NipiKaal (10) Na, June 7, 2021 (MON)

Lungdamna lai Siangtho (Matthew 5: 1-12)

1. Jesu in mihonpite a muh ciangin, mual tungah paito a, a tut laitakin a nungzuite ama kiangah hong pai uh hi.2. Tua ciangin amah in thugen hong kipan a, amaute thu hilhin a genin ah:3. “Lungsim kiniamkhiatte in thupha a ngah uh hi, bang hang hiam cih leh vantung gam in amaute’ aa ahi hi.4. “A dah a kapte in thupha a ngah uh hi, bang hang hiam cih leh amaute in hehnepna a ngah ding uh hi.5. “A lungnemte in thupha a ngah uh hi, bang hang hiam cih leh amaute in leitung a luah ding uh hi.6. “An duh tui duh banga dikna a duhte in thupha a ngah uh hi, bang hang hiam cih leh amaute in lungkimna tawh a kidim ding uh hi.7. “Mi a hehpih theite in thupha a ngah uh hi, bang hang hiam cih leh amaute in hehpihna a ngah ding uh hi.8. “Lungsim siangthote in thupha a ngah uh hi, bang hang hiam cih leh amaute in Pasian a mu ding uh hi.9. “Kilemna a bawlte in thupha a ngah uh hi, bang hang hiam cih leh amaute in Pasian’ tate cihna a ngah ding uh hi.10. “Dikna hanga bawlsiatna a thuakte in thupha a ngah uh hi, bang hang hiam cih leh vantung gam in amaute’ aa ahi hi.11. “Keima hangin hong kisimmawh a, hong kibawlsia-in a man lopi-a hong kingawh ciangin thupha na ngah uh hi.12. Lungdamin, kipak un, bang hang hiam cih leh vantung gamah na thaman uh lian hi, bang hang hiam cih leh note’ ma-a kamsangte zong tua mah bangin a bawlsia khin zo uh hi.

Hih in Topa' Lungdamna Lai Siangtho ahi hi.