Misiangtho Paul ii Pasian naseppih khat ahi, “Pasian zahtakna” cih min nei, Timothy in Lycaonian ah suak hi. A khangno hunin Laisiangtho sinin St. Paul in tuisawpna pia in, tua banah nunnemna leh unau bang itna tawh a kidim lai nih zong St.
Paul in Turkey gam, Tarsus khua ah Jew pawlpi upna azui nulepa te sung pan suak hi. Amah pen Rome minam khat in asuak khat ahi hi. Pilna picing taka sin theih nadingin Jerusalem khua, Phariseete’ uk sungah pilna sin hi.
Bishop Geneva cih min nei, Misiangtho Francis de Sales in Piantit gam, Savoy khua-ah 1567 kumin suak hi.
Spain gam ii ama sa pen Misiangtho ahi, misiangtho Vincent in kumzalom (3) hunin Spain gam ah suak hi. Amah pen Saragossa Diocese ii Deacon khat ahi hi.
Misiangtho Agnes in 291 kumin Rome khuapi, Italy ah suak hi. Agnes cih kammal pen Latin kam hi-in, Tuuno cih khiatna nei hi. Tua hi a, Misiangtho Agnes lim a kisuaih nak leh a geiah tuuno lim zong kisuai hamtang hi.
Misiangtho Sebastian in Piantit gam, Narbonne khua-ah suak in, Italy gam, Milan khua ah pilna sin hi. Galkapte ahuh dingin Rome kumpipa Carinus khutnuai a om Rome galkap sungah 283 kumin lut hi. Ama hang sanna hangin galkap bu za ngah hi.
...
Misiangtho Anthony in 251 kumin, Egypt gam ah suak hi. A nu leh pa a sih khit ciangin a nau nu leh inn leh lo te kemin om hi.
Kumzalom 4 hun sungin aminthang mahmah ahi, Misiangtho Hilary in 315 kumin, Piantit gamah suak hi.
Epiphany cih kammal pen Greek pan hongpai hi a, “kilakna” cih khiatna nei hi. Mipil thumte pawi aki ci, Epiphany pawi pen thupi tak in bawlna hangin mipil thumte a lak, mihing khempeuh tungah Topa Jesu kilahna hong phawk sak hi.
St. Dominican Congregation ii a thumna makaipi ahi, Misiangtho Raymond in 1175 kumin, Spain gam, Penyafort khua-ah suak hi. Mipil mahmah khat ahih mah bangin kum (20) aphak hunin Basilona khua-ah Theology hilh in om hi.
Sign up to our newsletter and get latest news and updates straight to your inbox!
