Misiangtho Vincent of Saragossa Pawini. (January 22)

Misiangtho Vincent of Saragossa

Spain gam ii ama sa pen Misiangtho ahi, misiangtho Vincent in kumzalom (3) hunin Spain gam ah suak hi. Amah pen Saragossa Diocese ii Deacon khat ahi hi. 304 kum, Dacian kumpi in Christiante a bawlsiat mahmah hunin Vincent leh a Siadaw Valerius manin thong sungah khum uh hi. An leh tui pia lo ban ah a tuamtuam in bawlsia uh a, ahi zongin Vincent in amaute up na hangin bangbang bawlsia ta leh a thuak dingin kiging sa in om ung ci-in Siadawpa tangin kumpipa kiangah za sak hi.
Tua thu a zak ciangin kumpipa heh mahmah a, Vincent pen atuamtuam tawh nasia takin a bawlsiat na dingun a nautangte thu pia hi. Amaute in Vincent lei lak ah lumsak in a sa themte aleng khiat dong apumpi sikkhau tawh nasia takin sat uh hi. Tua khit ciangin Vincent ii pumpi ci tawh zut in mei tungah hai uh a, tua zawh ciangin beel kitam themte a kithehthangna khan sungah koih in, tua lai ah Vincent si hi.
Vincent in simmawh bawlsiatna a thuak lai takin lungnuam tak leh cihtak na tawh a thuakna amu thong cing pa in lamdang sa mahmah a, amawhnate kisik in a lungsim kikhel hi. Vincent ii luanghawm ip sungah koihin gun sungah a paih uh hangin Christiante in mu uh a, hoih tak in vui uh hi. Tua hun pan kipan misiangtho Vincent zahtakna Pawlpi sungah ki zel hi.
Misiangtho Vincent aw…Ko te a dingin thu hong ngetsak tan.

Add new comment

3 + 0 =