Misiangtho Dymphna tangthu a tom in

Misiangtho Dymphna pawini May-15, Misiangtho Dymphna pen kumzalom sagih hunun Ireland gamah suak hi. A pa Damon hi a, minampi, mi-hau mahmah khat leh azalian mi khat hi-in, Pasian a thei lo mi khat zong ahi hi. A hi zongin Dymphna' nu ahih leh a meel lah hoih mahmahin Pasian' thu zong a um mahmah khat ahi hi. A nu a sih khit ciangin a pa in alungleng lua ahih manin a zi' mun alaih ding, a zi mah bangin a meel hoih, nampi' sung pan numei khat asawltak te a zong sak hi. A hi zongin kua mah mu zo lo uh ahih manin a thudotte in a tanu Dymphna a teenpih na dingin haivai tak in a genpih uh hi.
Dymphna in tua alauhuai thu a theih ciangin Fr.Gerebran leh a lawm nihte' huhna tawh a pa' kulhpi sungpan a taikhia hi. A pa Damon in a tanu azonzon leh Belgium gam ah mu a, Dymphna a huhpa Fr. Gerebran pen a ngawngtan in athah nadingun thu apia hi. Tua khit ciangin a tanu Ireland gamah ciahpihkik a, amah tawh kiteeng dingin ahanciam hi. Dymphna in anial ciangin a pa Damon in a namsau tawh a tanu' ngawng bantanin a that hi. Tua hunin Dymphna kum 15 pha pan hi. Misiangtho Dymphna pen lungsim maan lo mi te a cing a kemin kiciamteh hi.
Misiangtho Dymphna aw…..ko te adingin thu hong ngetsak tan.