Mother Theresa Tawh Holimna

Edward: Tu zingsang bang sem na hia?
Mother: Thungen.

Edward: Bang hun a kipan?
Mother: Nai 4:30

Edward: Thunget khit teh bang hih?
Mother: Ka nasepte uh Jesu tawh, Jesu ading, Jesu kiangah sem ka hih man un, ka nasep sung tawntunguh thungen paisuak in kingaihsun ung. Tua ahih manin ka lungsim khempeuh uh leh ka kha khempeuhuh tawh na a sem hi ung. Asi ding, khutbai khebaite, lungsim maan lote, kuama’ deih lohte, kuama’ it lohte, tuate pen Jesu hi aa, amau sungah a meel sell hi gige hi.

Edward: Midangten na nasepnate hong sang thei zawdeuh ta na sa hia?
Mother: Nidang in, mite in mizawngte thu tampi gen uh a, tu in a hih leh mizawngte tawh a kiho mi hong tam semsem sa ing. Tua pen a beisa hunte tawh a ki lamdan’na pipen hi; ko nasepna hang hi.

Edward: Siamna a tuam vilvel nei tuan lo-in kingaihsun na hiam?
Mother: Nei kisa keng. Kei sep pen Jesu’ a hi. Keipen ama khut sungaa khedan (Pencil) no khat tawh kibang ing. Tua hi lel. A ngaihsun amah hi. A gelh amah hi. Khedan (Pencil)’ sep bangmah om kei. Khedan(Pencil)  in a kizat ding a phal ding bek hi lel hi.

Edward: Pasian in nang hong piak lakah bang lianpen ahia?
Mother: Mizawngte.

Edward: Amaute Pasian hongpiak banghang aa ci thei na hia?
Mother: Jesu tawh nikhat nai 24 om khawm thei ka hih man hi.

Edward: Mihaute na bangci muh a?
Mother: Mihaute zawng zawtham sa ing. Khat veivei amau tumtakin lungleng mahmah uh hi. Lungkim ngeilo uh hi. A tamzaw deih den uh hi. A vekpi un tuaci hi, bel ci saam keng.