Tuisawpna Sacramentu sanna hangin a kingah thupha nam (5)

Tuisawpna Sacramentu

Tuisawpna Sacramentu hangin eite in siangthona thupha ih ngah hi. Eite in Tuisawpna Sacramentu ih san ciangin pianpih mawhna pan mawhmai sakna ih ngah aa, liat khit ciangin tuisawpna Sacramentu a sang te in ahih leh amah mah ii abawlkhak mawhna te khempeuh pan mawhmai sakna ngah hi.
Tui sawpna Sacramentu hangin eite in Pasian tawh kisai, thupha nam 3 ih ngah hi. Tua te in- Upna, Lametna leh Itna ngaihna cih te ahi hi. Tua ban ah Kha Siangtho Pasian ii letsong te ih ngah ban ah adang thupha te zong ih ngah hi.
Tui sawpna Sacramentu hangin eite in Sacramentu tawh kisai thupha ih ngah hi. Tua thupha in Christian nuntakna ih kalsuan na ah omloh aphamawh hong huh thuphate ahi hi. Tua te in eite in Pasian ih up nading, Pasian ih lamet na ding leh Pasian ih it nading ahi hi.
Tui sawpna hangin Sacramentu tawh kisai ciaptehna te in eite sungah hong ki khen hi. Tua ciaptehna in a kisia thei lo kha thu ah ki ciaptehna hi aa, eite in tui sawpna ih san hunin hong ki khen ahi hi. Tua in eite Pawlpi ii pumpi sungah hong kihel sak hi. Tua bek thamlo in Topa Jesu ii pumpi sungah hong ki hel sak hi.
Tui sawpna hangin eite in mi khempeuh tawh a kisai, siampi suan sungah hong ki hel sak hi. Tua bangin ki hel na ah ki hel dan nam nih om hi. Tua te in adang Sacramentu te sanna tawh leitung thu leh la sungah ki hel lo-in siangtho taka nuntakna leh thalawp tak in lungdamna thu tangko na te ahi hi.

Add new comment

18 + 1 =